|
Cumm' a ttanta suldate...
e ssite mamme?
Vestute a lutto,
in fila, allineate...
aspettano 'a medaglia
d' 'e figlie muorte in guerra.
L'hanno liggiuto ncopp' a nu giurnale
ll'ordine scritto.
E mò
ch' 'e facce bianche,
ca so' cchiù bianche
ncopp' 'e vveste nere,
ve guardate 'e bandiere
ca se so' appese
stanche
'e senti' sti fanfarre
e 'a voce 'e n'ommo
ca chiamme a nnomme
'e figlie vuoste
ca stanno sottoterra.
Cumm' a tante suldate...
e site mamme?
Aspettate 'a medaglia...
e site mamme?
Ah, se sperdesse chesta macchia nera
dint' 'o cceleste 'e na jurnata ' sole
cu na ventata d'aria
d'aria pura
inizio pagina |
